Conferencia “ O reto da protección de datos”

Martes 18 de agosto

A partir das 20:00 h

Casa de Cultura Manuel Lueiro Rey

Entrada libre

.

Dentro da defensa dos dereitos e intereses de consumidoras/es e usuarias/os incluíndo a súa información e formación é realmente importante o tema que se vai a debater xa que é un dereito fundamental das persoas físicas, as cales buscan protexer a súa intimidade e a súa privacidade fronte ás vulneracións de tales dereitos que poidan proceder da recollida e almacenamento dos seus datos persoais polas empresas ou entidades. Por elo o Ordenamento Xurídico español, e o da Comunidade Europea, recoñece ás persoas unha serie de dereitos en relación cos seus datos persoais que as empresas deben de respetar, e impon unha serie de obrigas formais e sustantivas que ditas empresas deben de cumprir.

O ponente da Conferencia é D. José Julio Fernández Rodríguez, actualmente Vicevaledor do pobo de Galicia, pero ademáis, coñecido internacionalmente polo seu traballo como xurista con numerosas publicacións e monografías publicadas como:

Lo público y lo privado en Internet. Intimidad y libertad de expresión en la Red
Secreto e intervención de las comunicaciones en Internet
Aproximación a las cuestiones de Seguridad en el continente americano
Gobierno electrónico: un desafío en Internet. Implicaciones jurídicas

D. José Julio Fernández Rodríguez, a pesar da súa xuventude, é profesor titular de Dereito Constitucional na Universidade de Santiago de Compostela, é no seu curriculum figuran os seguintes estudios realizados:

Doctor en Derecho
Licenciado en Derecho con premio extraordinario
Licenciado en Ciencias Políticas y Sociales
Licenciado en Periodismo
Licenciado en Comunicación Audiovisual
Diplomado en Estudios de Seguridad y Defensa

Como conferenciante en diversas institucións europeas e americanas, facendo un oco na súa apretada axenda, ven o día 18 de Agosto a ilustrarnos cos seus coñecementos na complexa e ás veces descoñecida protección de datos.

Dende Mulleres en Igualdade de O Grove invitamos a tódos aqueles interesados a que se acerquen o martes a coñecer o “reto da protección de datos” da man de D. Julio José Fernández Rodriguez e coa participación da copresidenta de Mulleres en Igualdade de O Grove, Diana Otero Mascato, empresaria e asesora xurídica.

Mulleres en Igualdade de O Grove é unha asociación de recente creación en O Grove. As súas representantes legais e copresidentas son Marta Dominguez Conde, empresaria e diplomada en turismo, ademáis de Concelleira en O Grove, e Diana Otero Mascato; Pero ademáis, a pesares da súa reciente creación, xa somos máis de 30 membros ( homes e mulleres) entre os que temos tódolos sectores representados para a defensa dos fins da asociación: do turismo, do sector do mar e derivados, do mundo empresarial, amas de casa, da terceira idade, persoas con algún tipo de depandencia.... e tamén queremos facer un chamamento a todos aqueles e aquelas que estén interesados en participar para que se poñan en contacto connosco a través de midogrove.blogspot.com.

Sen outro particular, aproveitamos a ocasión para enviarvos un cordial saudo.

A Asociación Mulleres en igualdade do Grove

A Asociación de Mulleres en Igualdade de O Grove é unha organización non gubernamental de interese social, sen ánimo de lucro, constituída, por tempo indefinido, ao amparo do dereito fundamental de asociación recoñecido na Constitución Española, con personalidade xurídica para o cumprimento dos seus fins, e réxese polos presentes Estatutos, pola Lei Orgánica 1/2002, de 22 de marzo e polos Regulamentos que os desenvolvan.

a) A defensa das liberdades, os dereitos e os intereses das mulleres en todos os ámbitos -social, cultural, laboral, familiar e político-, con especial atención á defensa dos dereitos e liberdades das mulleres novas, así como a súa integración na sociedade en igualdade de condicións, e o fomento da participación destas en todos os sectores da vida pública. b) A denuncia expresa de toda discriminación -laboral, social, educativa- cara á muller polo feito de selo
c) A denuncia de todas as Leis, disposicións legais ou actos administrativos que non cumpran co principio de igualdade consagrado na Constitución Española.
d) A denuncia de toda campaña informativa ou publicitaria que atente contra a dignidade da muller.
e) A defensa e apoio ás mulleres victimas de violencia de xénero e aos fillos se os houbese.
f) A defensa dos dereitos e intereses de consumidoras e usuarias , incluíndo a súa información e formación
g) A elaboración e participación en programas de cooperación e desenvolvemento nacional e internacional, destinados principalmente a mulleres. h) Apoiar a integración laboral e social de mulleres inmigrantes.
i) Defender as reivindicacións e propostas sobre a igualdade de oportunidades para as mulleres.
j) Axudar á muller para a súa inserción no mercado laboral, en especial ás máis novas, e a todas aquelas mulleres que pola súa idade ou calquera outra circunstancia atópanse con especiais dificultades para o acceso ao emprego.
k) A coordinación con asociacións e entidades análogas, ao obxecto de asegurar a maior eficacia no cumprimento dos seus fins.

l) Colaborar coas redes de desenrolo local co ánimo de contribuír a alcanzar os fins previstos nestes estatutos.
E dentro da consecución dos devanditos fins estamos a realizar unha programación e unha serie de actividades de tipo formativo e cultural